Hlaup 3 - Upprisa?

Þá er þriðja hlaupið búið. Ég hef verið mjög ragur að undanförnu vegna hnjáverkja. Í þetta skiptið voru hlaupnir rúmir 7 km á léttu tempo-i (vegalengdin var í raun aðeins lengri en mælingin gaf til kynna vegna háhýsa, trjáa og skýjafars). Þetta hlaup gekk bara vel, hnjálega séð og 7, 9, 13, vonandi er það merki um það sem koma skal. Annars var hlaupið þannig að við hlupum af stað í þokkalegasta veðri en eftir um 2 km byrjaði þessi ausandi úrhellisdemba. Við hörkuðum auðvitað af okkur og hlupum þessa rúmu 5 í rigningunni en það var ekki þurran bletta að finna eftir þetta. Dry-fittið náði ekki einu sinni að haldast þurrt. Vonandi er þetta upphaf nýrrar gullaldar.

Hlaupið:
Vegalengd: 7,09 km
Tími: 47:26
Meðalhraði: 9,0 km/klst (6,7 mín/km)
Meðalpúls: 144 slög/mín
Brennsla: 348 kaloríur (1,24 Snickers)

Aðstæður:
Hiti: 20°C
Raki: 96%
UV(sólarljós): 0 (sama og ekkert, enda úrhellisrigning)
Skyggni: 0,8 km
Úrkoma: Massíf

Hlaup nr.2

Því miður fylgdi leiðindahnjáverkur síðasta hlaupi sem hefur gert mig svolítið svartsýnan varðandi Maraþon þannig að ég var ekki alveg að flýta mér í næsta hlaup. Núna var því tekið mjög stutt og rólegt hlaup í von um að hnéð kvarti ekki mikið, vöðvarnir styrkist aðeins og að hnéð jafni sig fljótlega. Nú er ég líka kominn með Rabba sem hlaupafélaga þannig að ómögulegt að láta hnéð núna stoppa sig.

Hlaupið:
Vegalengd: 4,33 km
Tími: 28:41
Meðalhraði: 9,1 km/klst (6,6 mín/km)
Meðalpúls: 144 slög/mín
Brennsla: 273 kaloríur (0,975 Snickers)

Aðstæður:
Hiti: 26°C
Raki: 60%
UV(sólarljós): 1 (lítið)
Skyggni: 16,1km

Fyrsta hlaupið

Þá er fyrsta hlaupið búið. Það var ekki farið mjög langt að þessu sinni enda tvær vikur frá síðasta hlaupi og hiti allnokkuð hærri en ég er vanur. Púls var líka óvenjuhár og andlitsrauðki var í algleymingi eftir hlaup. Greinilegt að ég þarf að fara að taka til fótanna.

Nýja dry-fittið virkaði vel. Ég var sérstaklega ánægður með nýju stuttbuxurnar sem eru svo snilldarlega hannaðar að þær eru hjólabuxur að innan og með dry-fit stuttbuxum utan yfir. Buxurnar leyfa manni þannig að njóta þæginda spandexins án þess þó að svipta mann kúlinu þar sem enginn verður var við spandexið. Til að toppa þetta allt er lítill renndur vasi sem hentar einstaklega vel til að hafa eins og einn lykil og $5 fyrir drykk. Mæli með þessu.

Hlaupið
Vegalengd: 8 km
Tími: 46:42
Meðalhraði: 10,3 km/klst (5,83 mín/km)
Meðalpúls: 178 slög/mín
Brennsla: 570 kaloríur (2,04 snickers)

Aðstæður
Hiti: 29°C
Raki: 66%
UV(sólarljós): 1 (lítið, enda skýjað)
Skyggni: 11,3km